Композитни профили за изработка на огради, а подоцна и декниг подови, фасади и перголи почнаа да се појавуваат на американскиот пазар кон крајот на осумдесеттите години од минатиот век. Нивниот развој беше поттикнат од зголемувањето на количината на рециклирани полимери, но и се повеќе растечкото интересирање на потрошувачите за подолготрајни производи кои бараат минимално одржување.

Во почетокот, првичните аргументи за продажба на композитните профили беа дека не содржат штетни и потенцијално опасни материи, дека траат значително подолго од дрвото и не бараат одржување.

Дали е тоа баш толку едноставно?

Во денешно време останале истите аргументи од крајот на осумдесеттите, но наметнати се и дополнителни барања во однос на безбедност, противлизгавост, противпожарност, отпорност на абразија, UV стабилност, продолжување на гаранцискиот период и други.

По половина декада работа со WPC подови, се сретнавме со различни барања, ги следевме и воведувавме иновации на пазарот и во овој член можете да ги најдете одговорите на повеќето прашања.

Како што може да се заклучи од насловот, тоа е композит на термопластични материјали (PE, PP, PVC или PLA), дрвени влакна и адитиви. Покрај дрвените влакна, последниве неколку години се користат и други органски материјали како влакна од пулпа, лушпи од ориз или кикирики, бамбук…

Хемиските адитиви изгледаат практично “невидливи” во композитната структура и заслужни се за интеграција на полимерите и дрвената маса.

Композитот на пластика и дрво сè уште е релативно “нов” материјал во однос на долгата историја на дрвото како основен градежен материјал. Најзастапената употреба на WPC е во Северна Америка и Европа.

Тешко е да се замисли парк, шеталиште или марина во Северна Америка или некои делови на Европа без композитни WPC подови.

Иста е ситуацијата и со приватни објекти.

82% од куќите во САД имаат декниг платформа во своето дворно место, а овој тренд се прошири и во Европа.

Сè почесто во проектите се цртаат WPC подови на терасите или околу базените наместо керамички плочки или печатен бетон.

Во споредба со другите подови за надворешна употреба како што се керамички плочки, печатен бетон, и беа-тон коцки, каде што најпопуларната форма е коцкеста, декниг патосниците кои се долги 3 или 4 метри и широки 15 см даваат поинаков изглед, изглед на под!

Декниг платформата може да се направи на сите подлоги. На земја, песок, бетон, преку керамички плочки, беа-тон или асфалт.

Додека другите подови бараат комплетна подготовка на подлогата, како што се бетонирање или изработка на цементна кошулка која значително го поскапува проектот, декниг платформите се директно монтираат на припадната конструкција која е многу поволна и побрза за изработка од бетонската.

Скрениот систем за врзување на патосниците со помош на клипса и шраф дозволува лесна и брза изработка на декниг платформата, без груби работи.

Современ изглед на декнигот кој се ненаметливо вклопува во сите типови на објекти и лесната монтажа без видливи елементи за врска доведуваат до масовна побарувачка за кои следуваат многу оправдани прашања…

Редовно во разговорите со клиентите слушаме прашања како: Дали WPC декнигот ја менува бојата? Зошто е потребна дилатација (растојание на продолжувањето на патосниците), дали да купиме масивен декниг или со комори…

Практично сите материјали се распаѓаат под влијание на UV зраци. Така е и со пигментите. Барем до пред неколку години беше така. Денес се вложуваат напори во развој на нанотехнологии, па се почесто можете да видите керамички заштити и лакови за автомобили кои гарантираат стабилност на бојата до 10 години.

Истото важи и за завршните градежни материјали, тестираат и се развиваат многу видови на заштита.

Сериозни производители вложуваат значајни напори за да спречат промена на бојата по долготрајна изложеност на UV зраци.

И покрај усовршувањето на традиционалната технологија на изработка базирана на екструзија, примена на најквалитетни адитиви, промена на бојата е ставена под контрола но не е спречена.

Од оваа причина дојде до развој на новата технологија, т.е. ко-екструзија и примена на Asa материјал кој е целосно UV стабилен.

Во основата на профилите сè уште се наоѓа композитниот материјал, но е обложен по надворешните страни со материјал кој гарантира непроменета боја за долг век на употреба. Овој начин на изработка е поскап од класичниот декниг, но претставува единствено познато и применливо решение за проекти каде се бара апсолутна UV отпорност.

Гаранцијата е еден од најзначајните аргументи кои се користат во маркетингот и при продажба на декниг.

Кај повеќето производители можете да најдете исклучително долги гаранциски рокови, но дали е тоа навистина така?

Условите од гаранцијата се однесуваат главно на отпорноста на композитот на ломење, габи, распаѓање и напад на инсекти, односно ларви и термити.

На основа на лабораториски тестови и реална примена, реномирани производители гарантираат рамки во кои е дозволена промена во карактеристиките.

Пример е гаранцијата која се однесува на постојаноста на бојата. Дозволени се рамномерни промени во рамките на нијансата, но не и тоа дека декингот ќе ја промени бојата целосно.

При редовна употреба на платформата за декинг, како последица на абразија, доаѓа до природно абење. Тоа е исто како и со другите материјали, кои се интензивно користат, со тоа што поради типот на обувките кои се користат, абењето на базените ќе биде значително помалку видливо во споредба со другите јавни површини по кои се оди со многу поруга обувка.

За да овозможите да го зачувате Вашиот декинг подолго време, потребно е да обрнете внимание на одржувањето на платформите за декинг. Мрснини и дамки од храна, јадење или моторно масло можат успешно да се отстранат со користење на вода и детерџент. Потребно е дамката да се отстрани на време, пред да навлезе во декинг патосницата. Исто така, потребно е да знаете дека користењето на агресивни хемиски средства, кои понекогаш можат да дојдат и преку падовите, можат да остават трајни дамки на површината на декингот кои не се покриени со гаранцијата.

Промената на температурата, влажноста на воздухот, присуството на вода (плажни барови, базени, дожд), неколку месеци под снег, висока фреквенција на луѓе, мебел со метални нози, сето ова ќе влијае на изгледот на вашиот под по неколку години.

Изберете декинг според условите на примена, но и вашите можности.

Имајте на ум дека декингот е под кој стои надвор и поднесува сите услови кои претходно ги опишавме.

Дали е реално да се очекува да изгледа исто по 10 години употреба?

Ако поставувате декинг на јавна површина како што е патека во парк или градина на угостителски објект, повеќе ви се исплати да изберете премиум класа на декинг која е поскапа, но и подолготрајна, посилна и доаѓа со продолжена гаранција.

Изборот на материјали, технологија на производство и квалитет на врзувачките елементи влијаат на цената, но и на векот на траење.

За приватна употреба можете да изберете декинг пониска класа, бидејќи интензитетот на употреба е неколку пати помал.

Сепак, остануваат дожд, снег и УВ зрачење, а во тие услови декингот мора да ги исполни минималните квалитети за да не стане кршлив и ломлив по само една сезона употреба.

Последно, но не и најмалку важно…

Трајноста на платформата за декинг е прво на местото на квалитетот на изработка, но и најквалитетниот декинг, ако е лошо инсталиран, нема да издржи ниту една година.

Најмногу рекламирања произлегуваат од неадекватно монтиран декинг.

Што точно значи ова?

Прво, неадекватна подготовка на подструктурата. Неадекватно или неискусно направена подструктура ќе предизвика проблеми подоцна. Ако декинг патосницата не стои на идеално рамна површина, со времето ќе почне да се искривува, а тоа е сигурен пат кон пукање и механичко оштетување.

При поставувањето на подструктурата потребно е да се задржи растојание меѓу профилите што ги пропишал производителот и најважно, дилатационен растојание на челото на патосниците.

Композитот на пластика и дрво е материјал што се шири под влијание на сонце и покачени температури.

Ако при монтажа не се остави дилатационен растојание на сите челни споеви, а патосниците не се одвојат од сите статични објекти (ѕид, парапет, скали, итн.), сигурно ќе дојде до нежељени дефекти.

Лош избор на завртки и клипови е честа причина за оштетување на подот од декинг.

Ако завртките и клиповите не се соодветно заштитени и не се наменети за надворешна употреба, брзо ќе дојде до кородирање, што предизвикува пукање на завртките и одвојување на патосницата од подструктурата.

Ако одлучите сами да ја монтирате вашата декинг платформа, задолжително побарајте упатство за монтажа пропишано од страна на производителот, бидејќи секој декинг има свои толеранции што треба да се почитуваат за платформата да биде долго време во употреба.

Ако имате прашања во врска со WPC декинг и не сте нашле одговор во овој текст, слободно поставете ги во коментарите подолу.